Na jolo didok ho sayang,
hodo bulanku, hodo bintangku nimmu mandok. Hape di naso panagaman adong ma
hatam na mandok tinggalhononmu nama au. Tong toppu masilbak ate-ateku mambege
hatami. Tung mansai tarilu ma au boasa najolo huoloi ho hasian. Paboa ma aha
Alana diado bonsirna umbaen na munggil roham tu au.
Mansai burju do nian
parange dohot pangalaho alai didok ho hatami naso tarpangido ni rohakku. Nunga
bagas holonghu tuho laos ditadinghon hodo au. Ganup ari on holan tuho do rohakku
ito hasudungan. Didia do saonari ho hasian mansai parirdo pandok ni hatami. Ale
sai horas maho ito nipaninggalhonmon tuau asa denggan lakkata tu joloan ni ari
on.
Nunga ribak be ate-ate
dang tarubatan be hatam na sandok maniak tu pusu-pusu. Tung anggiat ma on dalan
na denggan di hita nadua. Sai hupikkiri akka namasa hape naung adongdo si boru
na asing di bagas roham. Tung uli do rupana di ida mata. Di bagas sadarionma
marujung sakkaptai hape najolo godang pinarsitta ni rohatta tikki rap padua-dua
naujui.
Ekkel subbing mi do na
pasuda rohakku tikki naparjolo tuho hasian mallobok tarottok jonok dilambungmi.
Hupanotnotti ho laos mekkel rap hita nadua jala laos marikkat-ikat na jolo. Ale
boasa ikkon aeonku namasa sisongonon. Hodo na manguddut padan jala hodo
namangose I sude. Aning tupaddelean nama au lao alai huingot godang dope
sidalananku tu joloan ni ari on.
Tung takkas do dibotoho
hasian holongki balga ni rohakku tuho alai di ose ho mai jala tinggal ma
sahalak au. Tikki hutanda ho ito dang boi nok mataki marningot rupami dohot
ekkel mi. martamiang au Tuhani anggiat tiur sakkaptaon. Alai laos manetek ma
ilu sian mata nunga marsirang be hita nadua dang tarulahan be sude.
Tinggal kenangan nama
sude hubunganttai hasian horas maho dohot si boru halletmi. Manang ise si ose
padan tung borat do haduan ngoluna nimmu do tu au alai sai unang ma ro tuho
songon na nidok mi. Borhat nama au tu nadao asa hulupahon akka namasa jala
dapot sidoli na makkaholongi au songon dirina sandiri.
Di hamu akka dongan
manang hea pe di hilala hamu songon nadiceritaon tung pa labbas ma rohamuna.
Tung borat pe alai godang dope na makkaholongi hita. Dang saonari hape ta dapot
haholonganta sogot haduan adong do naro tu hita. Dalani ngoluon dohot roha naserep
jala pikkiran na tarbukka.
Sai horas ma hita sude…
Debata mangaramoti….
Horas……
No comments:
Post a Comment